Bugun Akademik V. Vohidov nomidagi Respublika Ixtisoslashtirilgan Xirurgiya Ilmiy-Amaliy Tibbiyot Markaziga muhim tashrif bo‘lib o‘tdi. Biz mamnuniyat bilan jahon miqyosida mashhur interventsion kardiolog, Vengriyaning Semmelweis universiteti rektori professor Bela Merkelini, shuningdek, O‘zbekiston Respublikasi sport vaziri Adham Ilhomovich Ikramovni qarshi oldik. Mehmonimizga Xirurgiya markazi faoliyati bo‘yicha qisqa taqdimot namoyish etildi: markazimiz yutuqlari, yuqori texnologik jihozlanishi va asosiy yo‘nalishlari haqida so‘z yuritildi. Shundan so‘ng bo‘limlar bo‘ylab ekskursiya tashkil etildi: kardiorenimatsiya, operatsion blok, intervensiyon kardiologiya bo‘limi, KT va MR diagnostika bo‘limlari tanishtirildi. Uchrashuv davomida xalqaro hamkorlik istiqbollari, tajriba almashish va zamonaviy texnologiyalarni amaliyotga joriy etish masalalari muhokama qilindi. Mehmon o‘z markazining yutuqlari bilan o‘rtoqlashdi, Reanimatsiya faoliyati, kardiovaskulyar operatsiyalar va yurak kasalliklarini davolashdagi yutuqlari haqida ma’lumot berdi. Shuningdek, ularning yangi kardiovaskulyar blokining rasmiy ochilish marosimiga yurak va qon tomir kasalliklarini davolashda eng zamonaviy texnologiyalar va usullar qo‘llaniladigan infratuzilmasiga tashrif buyurishni taklif qildi. Semmelweis universiteti (Semmelweis University), Budapesht shahrida (Vengriya) joylashgan bo‘lib, Yevropaning yetakchi tibbiyot universitetlaridan biridir. U 1769 yilda tashkil etilgan va bugungi kunda uning sig‘imi 4000 yotoq o‘ringa teng.
